Yon Polisye Carabinero Asasine yon Ayisyen Chili

- Si es de tu interés este artículo, apoyanos compartiendo en tus redes sociales favoritas y de esa manera también incentivando a tus amigos que crees les pueda interesar a que nos lean.

Yon Polisye Carabinero Asasine yon Ayisyen Chili

 


Yon Polisye Carabinero Asasine yon Ayisyen Chili.

 

¡Saludos, mis hermanos haitianos!

 

Nouvèl tris pou nou tout konpatriyòt ayisyen kap viv Chili.

Yon Polisye Chilyen ki fè pati Carabineros de chile touye yon kompatriyòt ayisyen nan jounen mardi 31 Aout 2021 an nan apremidi, Pandan ke ajan polisye yo deklare ke viktim ki gen nasyonalite ayisyèn nan te atake yo ak yon manchèt.


 

Selon enfòmasyon Lapolis, plizyè temwen fè konnen ke sitwayen viktm nan te al achte ‘bebida’ nan yon ti boutik (Almacén) nan lye kote lap viv la, komin La Ligua, región Valparaíso; 5èm e yonn nan regyon ki plis enpòtan nan peyi Chili. Nom li se Louis Alex Gentil ak 42 ans.

 

Yonn nan chèf oubyen antèt Brigada de Homicidio ki gen nan komin regyon saa deklare ke «Nan moman ke moun saa soti nan ti boutik la, Li te soti ak yon machèt nan men li pandan lap fè bri avèk machèt la anlè nan men’l», selon yon medya ki rele Cooperativa.

 

 Men deklarasyon an nan lang español«en el momento en que esta persona sale del almacén, sale con un machete en sus manos y sale gritando con el machete arriba en la mano», según investigó Cooperativa.


Selon sa vwazinaj nan zòn nan di, ak gro machèt li nan men’l li tap menase kek moun, kote menm moun sa yo arive rele Polisye zòn nan pou sekirite.

Selon Carabineros de Chile, yo fè konnen ke avek machèt ayisyen an ta eseye atake yonn nan Ofisye polis yo, yo ajoute ke ofisyèl la ta vin wè obligasyon poul itilize zam de sèvis li e tire sou Konpatriyòt la.


 

Apre sa, Viktim nan resevwa yon bal ki ta pral retire lavi li, pa kont, gen enfòmasyon kap sikile pou fè konnen ke Ayisyen an te gen problem  mantal men PDI ap kontinye envestigasyon an pou ka konnen plus detay ak vrè koz lanmò endividi saa.

 

San bliye di ke gen Video kap sikile sou Rezo sosyal kote yon moun tap anregistre apre zak la te fin komèt, E ki fè kwè ke Moun sitwayen an Mouri ak Boutèy bebida a nan men li, Men PDI bò kote pa’l ap kontinye ankèt la.




No hay comentarios.